NDỤ NA MAHADUM N’AGỤMAGỤ IGBO A HỌỌRỌ

Abstract

Ụmụ akwụkwọ na ndị nkuzi ụfọdụ nọ na mahadum na-ebi ndụ etu o si masị ha. Nke a mere na ụdị mpụ a na-ahụ na mahadum na-agba anya mmiri. Ọ bụ nke a kpaliri mmụọ odee ịhọrọ isiokwu a iji lebaaanya na ụfọdụajọ ndụ na ezigbo ndụ a na-ebi na mahadum. Ajọ ndụ a ga-eleba anya bụ onye nkuzi ịkwasa nwata akwụkwọ iko, ọ kachasị nwata akwụkwọ nwaanyị makainye ya akara ruru ya ma ọ bụ nke erughi ya, otu nzuzo na mpụ ule. Ezi ndụa ga-eleba anya bụ nwata akwụkwọ nwaanyị ịlụta ezigbo di n’ihi ezi agwa ya.Agụmagụ ndị a họọrọmaka nchọcha a bụ;Okwe Agbaala na Adaeze. Ngwaọrụ edemede a bụ agụmagụ ndị a na edemede ndị ọzọ metụtara isiokwu a. Nchọcha a ga-agbalị ịchọpụta ụzọ kacha mma e nwere ike isi belata ajọ ndụ a na-ebi na mahadum, kwado ezi ndụ a na-ebi ma mekwaa ka mahadum bụrụkwa ebe ọ ga-abụ e jee, a nụchaa mmụọ mmadụ anụcha. A gbasoro usoro nkọwa wee mee nchọcha a. Atụtụ e ji mee nchọcha a bụ atụtụ ezi agwa miri emi nke na-ekwu na tupu mmadụ emee ihe, ya tụlee mara ma ihe ahụ ọ na-achọ ime, ọ bụ nke ga-abara ọtụtụ mmadụ uru. A chọpụtara na n’agbanyeghị na ọ bụ eziokwu na ndị nkuzi mahadum ụfọdụ na-akpa agwa ọjọọ ndị a a rụtụrụ aka,mgbe ụfọdụ, ọ bụ ụmụ akwụkwọ ụmụ nwaanyị ụfọdụ na-eji aka ha jekwuru onye nkuzi, ma nke a bụ n’ihi na onye nkuzi ahụ adịla na mbụ kputuo ugwu ya n’ala. A tụrụ alo ka gọọmentị wepụta iwu ga-emegide ndị na-etinye aka n’ụdị arụrụala a ma gbaa mbọ hụ na iwu ndị ahụ e wepụtara bara n’ọrụ. Ọzọ bụ ka e nwee nkwado a ga na-akwado ndị kpara ma bie ezigbo ndụ n’ụlọ akwụkwọ iji wulie mmụọ ha ka ha mere gaa n’ihu nakwa iji kuziere ndị na-ebi ajọ ndụ na ezi ndụ na-akwụ ụgwọ dị mma. E bu n’obi na nchọcha a ga-eme ka ndị nkuzi mahadum kwụsiri ike n’ọrụ ha mara na ọ bụrụgodị na ha jụrụ ịkpaso ụmụ akwụkwọ ha agwa ezighị ezi, nwata akwụkwọ nwere ike ịkpaso ha agwa ezighị ezi, n’ihi nke a, ha chekwaa onwe ha.Ụmụ akwụkwọ ga-esitekwa na nchọcha a mara na ajọ ndụ mahadum enweghị ebe o du mmadụ aga, kama, ọ laa onye ahụ n’iyi.