OSISI NKWỤ : NGWAA NA AHA NDỊ GBASARA YA

Abstract

Ụmịedemede N’ihi oke mmepe na nnabata nkanụụzụ n’ime omenaala Igbo, ọ na-adịzị ka a na-eleghara nkwụ anya. E chefuru na ndị Igbo chọpụtara uru nkwụ bara site na mbụ. Ndị Igbo chọpụtara ihe ọma na uru niile gbasara nkwụ tupu nkanụụzụ ọlọrọọhụrụ. E chefuru na site na nkwụ, e nwere ike inweta ọrụ, ego, ihe oriri, ̣ọgwụ na ihe ndị e ji arụpụta ihe ndị ọzọ bara uru. Nleghara anya a na-eleghara nkwụ mere na ọ dịzi ka ụfọdụ ihe gbasara nkwụ enweghị aha maọbụ ngwaa e ji ezipụta ha n’Igbo. Nsogbu a bụ ihe kpalitere nchọcha a. Mbunuuche nchọcha a bụ ịkọwapụta uru si na nkwụ, idepụta ngwaa na aha ihe gbasara nkwụ, iji ngwaa ndị a mee ahịrịokwu na ịkọwa aha ndị e depụtara gbasara nkwụ. A chọputara na ihe niile gbasara nkwụ nwere mkpụrụokwu e ji ya ekwu n’ihina ndị Igbo bidoro na gboo chọpụta nkwụ na uru ya niile. A tụrụ alo ka agbụrụ na-amachaghị ihe gbasara nkwụ mụrụ n’aka ndị Igbo ihe gbasara nkwụ ma sitekwa n’aka ndị Igbo biri okwu gbasara nkwụ iji mejuo nke ha.