MBỤRỤ: NTỌALA ASỤSỤ N’AMỤMAMỤ ASỤSỤ NCHEKE

Abstract

Ụmịedemede Nchọcha a lebara anya na mbụrụ dịka ntọala asụsụ n’amụmamụ asụsụ ncheke.Ihe kpalitere nchọcha a bụ ịnụ ọkụ n’obi ọ na-anụ nwanchọcha ime ka ndịmmadụ mata na ọ bụ etu ngwaa siri baa uru n’ọmụmụ asụsụ Igbo ka mbụrụ siri baa uru n’amụmamụ asụsụ ncheke. Ihe nwa nchọcha bu n’obi bụịchọpụta mbụrụ etu o si metụta ntọala asụsụ n’ebe amụmamụ asụsụ ncheke dị. A gbasoro atụtụ njireme na atụtụ ncheke wee mee nchọcha a. Nka nwanchọcha jiri mee nchọcha a bụ nchọcha e dere ede dịgasị n’akwụkwọ ndị ahaziri maka amụmamụ asụsụ nakwa akwụkwọ dị n’ọba akwụkwọ dịgasị n’ụlọ akwụkwọ dị elu. Ka e mechara nchọcha a, a chọpụtara na mbụrụ dịka ntọala asụsụ n’amụmamụ asụsụ ncheke bụ ihe oke ọnụ ahịa n’ebe amụmamụ asụsụ dị. Okwu mbụrụụfọdụ na-enwe echiche miri emi n’ihi na haanaghị egosicha echiche n’ụzọ kwụọtọ. A na-ejikarị ihe nhụrụnuche were atụnyere ihe nhụrụnanya. A chọpụtara na mbụrụ bụ otu n’ime ihe ọmụmụ n’amụmamụ asụsụ ncheke nke na-esikarị ike na nghọta mana site n’ihe mmadụ mabu, nwaafọ asụsụọbụla na-aghọta ya n’egbughị oge.Nwanchọcha chọpụtakwara na mbụrụ na-egosi okwu ekereuche na-enye okwu nghọta pụrụ iche n’amụmamụ asụsụ ncheke. Nke a gosiri na mbụrụọbụla na-emetụta ekereke echiche nke na-adabado na nhụrụnanya nye nhụrụnuche.Na mmechi, aro nwanchọcha na-atụpụta bụ; ka enye ụmụafọ Igbo ndị nwere mmasị n’amụmamụ a agụmakwụkwọ n’efu. Ọzọkwa, ide ọtụtụ akwụkwọọgụgụ maka atụtụ amụmamụ asụsụ ncheke n’asụsụ Igbo dị oke mkpa.